Saturday 22 October 2016
*ကံအမှားနှင့်ခဲဖျက်ဟူသည်*
________________
"ပြီးပြည့်စုံတဲ့လူရယ်လို့ မရှိပါဘူး.. အမှားကင်းတဲ့လူရယ်လို့လဲ မရှိပါဘူး.. ဒါကြောင့် ခဲတံတစ်ချောင်းမှာ ခဲဖျက်တစ်ခုက ကပ်ပါနေတာပေါ့" တဲ့။ သိပ်ဟုတ်တာပေါ့။ သို့သော်..
စာရွက်ပေါ်က အမှားတွေကိုသာ ခဲဖျက်နဲ့ဖျက်လို့ ရကောင်းရပါလိမ့်မည် ။ စာရွက်တစ်ရွက်မှာကိုပဲ အမှားတွေထပ်ကာ ထပ်ကာမှားကြလို့ ခဲဖျက်ရာတွေများလာခဲ့ရင်တော့ မူလကသန့်ရှင်းဖြူစင်နေတဲ့ စာရွက်လေးဟာ ခဲဖျက်ရာတွေကြောင့် စုတ်ပျက်ညစ်နွမ်းပြီး အမြင်မလှ ဖြစ်ရတာပါပဲ။
လောကလူတွေရဲ့ နေ့စဉ်ဘဝတွေထဲက အမှားတွေဟာ စာရွက်ပေါ်ကအမှားတွေနဲ့ မတူပဲ ခဲဖျက်နဲ့ဖျက်သလို ပြန်ပြင်လို့ မရနိုင်တဲ့ အမှားမျိုးတွေလည်း ရှိတတ်ကြတယ်ဆိုတာ မမေ့စေချင်ပါ။ အထူးသဖြင့် လူတွေနေ့စဉ် ပြောဆိုနေကြတဲ့ စကားတွေထဲမှာ မှားယွင်းစွာ သုံးနှုန်းပြောဆိုမိတဲ့ စကားတွေကို မပြောမိ မဆိုမိအောင်တော့ သတိထားပြောဆိုကြရပါလိမ့်မည်။ စကားတစ်ခွန်း မှားယွင်းသွားပြီဆိုရင် ပြင်ဖို့ရာ အင်မတန်ခက်ခဲလှသည်ကို စကားတစ်ခွန်း၏တန်ဖိုးကို အလေးထားမိသူတိုင်း သိကြပေလိမ့်မည်သာ။
ဒါကြောင့်လည်း သီတဂူဆရာတော်ဘုရားကြီးရဲ့ သြဝါဒမိန့်ခွန်းတစ်ခုမှာ "ပါးစပ်မှာ ခဲဖျက်မပါတာ သတိထားဖို့လိုတယ်" လို့ အမိန့်ရှိတော်မူတာ ထင်ပါရဲ့။ လောကမှာရှိတဲ့ တချို့သောလူတွေက "လူတွေမှာ အမှားနဲ့မကင်းကြလို့မို့ ခဲတံတွေမှာ ခဲဖျက်ကပ်ပေးရတာပေါ့.. အမှားကင်းသူရယ်လို့ ဘယ်ရှိပါ့မလဲ" ဆိုပြီး ဒီအကြောင်းပြချက်နဲ့ပဲ အမှားတွေကို ဆင်ခြင်ဖို့မကြိုးစားပဲ အမှားမျိုးစုံကိုပဲ ထပ်ကာထပ်ကာကျူးလွန်ဖို့ ကြိုးစားကြသူတွေက များလှသည်။
ကိုယ့်ဘဝရဲ့ အတိတ်သမိုင်း ပုံရိပ်ဆိုတာတွေဟာ ခဲဖျက်နဲ့ဖျက်သလို ဖျက်လို့ရတဲ့ အရာတွေမှမဟုတ်တာ။ ကိုယ်တိုင်လျှောက်ခဲ့တဲ့ ဘဝရဲ့လမ်းတွေမှာ ကိုယ်သိပြီး လွန်ကျူးခဲ့တဲ့ အမှားတွေလည်း ရှိနေနိုင်သလို ကိုယ်ထင်မှတ်မထားပဲ ကျူးလွန်မိခဲ့တဲ့ အမှားတွေလဲ ရှိနေနိုင်တာပါပဲ။ လူတစ်ယောက်ရဲ့ ဘဝသမိုင်းကြောင်း ကောင်းမကောင်း စိစစ်တဲ့နေရာမှာ ပစ္စုပ္ပန်လုပ်ရပ်တစ်ခုတည်းချည်း ကြည့်ပြီးတော့ ဆုံးဖြတ်ရတာမျိုးမဟုတ်ပဲ အတိတ်ကပုံရိပ်တွေကိုလည်း ထည့်သွင်းစဉ်းစားကြရမည်သာ။
တခါတရံ လူတွေမှားလေ့ မှားထရှိတဲ့ အမှားတွေထဲမှာ ကိုယ်ပြုခဲ့တဲ့ အမှားတွေအတွက် သူတစ်ပါးက စာနာနားလည်ပြီး ခွင့်လွတ်ချေဖျက်ပေးနိုင်ပေမဲ့ ကိုယ့်စိတ် ကိုယ့်သန္တာန်မှာတော့ မေ့မရ ဖျောက်မရ ချေဖျက်လို့ မရနိုင်တာတွေဟာ ငြင်းမရအောင် ရှိနေတတ်ကြတာပါပဲ။
ဒါကြောင့် ဆရာတော်များဟောကြားဆုံးမလေ့ရှိတဲ့ နောင်တဆယ်ပါးဆိုတဲ့ ဘုရားဟောစကား ထင်ရှားရှိနေခဲ့တာပေါ့။ "ရှင်လူများတို့..ငယ်ခါကလျှင် မသင်ပညာ ၊ ဥစ္စာမစု ၊ သူ့ကိုချစ်ဖျက် ၊ သူ့သက်သတ်စား ၊ သူ့မယား၌ ပြစ်မှားတုံဘိ ။ ပစ္စည်းရှိလျက် စိုးစဉ်းမလှူ ၊ မွေးမြူမိဘ မပြုထနှင့် ဆုံးမမနာ ၊ ဆရာမြတ်ထံ နည်းခံမမှတ် ၊ အမြတ်မကျင့် ဤဆယ်ဆင့်ကား ၊ ကြီးရင့်ဇရာ အိုသောခါ၌ ၊ ပူစွာနောင်တ ရတတ်စွ၏" လို့ မဃဒေဝဆရာတော်ကြီးက လင်္ကာစပ်ဆို ဆုံးမတော်မူခဲ့တာ ရှိပါတယ်။ ပြင်မရတဲ့အမှားတွေပေါ့။ တနည်းအားဖြင့် #နောင်တမရအောင်ဒီအမှားတွေရှောင် ဖို့သတိပေးခဲ့တာဖြစ်သည်။
ဗုဒ္ဓဘာသာရှုထောင့်ကနေ ကြည့်ပြန်ရင်လည်း မိမိတို့ပြုထားခဲ့မိသမျှသော ကုသိုလ်ကံ အကုသိုလ်ကံဟူသမျှတို့သည် ကံကိုပြုမိခဲ့သူ ကိုယ်တိုင်က မေ့လျော့ကောင်း မေ့လျော့နေပေလိမ့်မည်။ သို့သော် ကိုယ်ပြုခဲ့မိသမျှ ထိုကံရဲ့ သတ္တိစွမ်းကတော့ အမြဲတမ်း online အဖြစ်နဲ့ record လုပ်ထားပြီးသားမို့ လေလိုပြာလို ပျောက်သွားမှာမဟုတ်ပဲ အကြောင်းသင့်တိုင်းမှာ renew အဖြစ်နဲ့သာ တည်ရှိနေတော့မှာပါ။
လောကလူများ မှားကြသမျှသော အမှားတို့တွင် အကြောင်းကိုစစ် "အမြစ်မြေက" ဆိုတာလို မသိခြင်း(အဝိဇ္ဇာ) ကြောင့်သာ မှားကြသည်ဟု ထင်တတ်ကြသည်။ မဟုတ်ပါ ။ ရံခါကြိုက်နှစ်သက်မှု(တဏှာ)ကြောင့်လဲ မကောင်းမှန်းသိလျက် အစွဲအလမ်း(ဥပါဒါန်)ကြောင့် မှားတတ်ကြသည်သာ။ မသိလို့မှားကြသူများနှင့် သိပြီးလိုချင်စွဲလမ်းမှုကြောင့် အမှားလုပ်ကြသူများကို (၂)မျိုး(၂)စားခွဲကာ လေ့လာကြည့်လျှင် အတွေးအခေါ်မရင့်ကျက်သေးသော ကလေးသူငယ်များနှင့်လူငယ်လူရွယ်များတွင် မသိမှုဦးဆောင်ကာ မသိလို့မှားကြသူများဖြစ်ပြီး သက်လတ်ပိုင်းနှင့်လူကြီးပိုင်းများတွင် အများအားဖြင့် နှစ်သက်စွဲလမ်းခြင်းကြောင့်သာ သိလျက်မှားကြသူများကို မြင်တွေ့ရပါသည်။
ထင်ရှားသော သာဓကပြပါဆိုလျှင် လူအများကြိုက်သော ကွမ်းယာနှင့်ဆေးလိပ်တို့သည် လူကိုဥပါဒ်ဖြစ်စေသော မကောင်းကျိုးအပြင် ငွေကိုအပိုကုန်စေသော ဆိုးကျိုးကိုပေးမှန်း မသိခင်က အစမ်းသဘောဖြင့် သုံးစွဲမိရာမှ နောင်အခါ ကွမ်း/ဆေးလိပ် မရှိလျှင်ပင် မဖြစ်ဟူ၍ သုံးရင်းစွဲလမ်းသောကြောင့် ဆက်လက်၍သာသုံးစွဲနေရပါတော့သည်။ ဤတွင် မသုံးခင်က အကျိုးနဲ့အပြစ်ကို မသိနိုင်သော (အဝိဇ္ဇာ)က ဦးဆောင်ပြီး မှားလေသကဲ့သို့ သုံးစွဲပြီးနောက် ဆိုးကျိုးအပြစ်ကိုသိမြင်သည့်တိုင် မစွန့်နိုင်ပဲ ဆက်လက်၍မှားယွင်းစွာ သုံးစွဲနေခြင်းသည် မသိမှုကြောင့်မဟုတ်ပဲ နှစ်သက်စွဲလမ်းမိသော(တဏှာ-ဥပါဒါန်)ကြောင့်သာ ဖြစ်ပါသည်။
သို့ဆိုလျှင် ကျွန်တော်အပါအဝင် စာဖတ်သူများအနေဖြင့် မိမိတို့သက်တမ်းအလျောက် ပြုမိခဲ့ဖူးသော အမှားများစွာတို့၌ အထက်တွင်ဆိုခဲ့သော #မသိ၍အမှားပြုမိခြင်း နှင့် #လိုချင်နှစ်သက်မှုကြောင့်အမှားပြုမိခြင်း နှစ်မျိုးတွင် ဘယ်ဒင်းဘယ်ဟာကြောင့် ပြုမိသည့်အမှားက သာ၍များသနည်းကိုမူ မိမိတို့ကိုယ်တိုင်သာလျှင် အဖြေထုတ်ကြရပေတော့မည်။
ငယ်စဉ်ကာလ မသိတတ်ခြင်းကြောင့် မှားတတ်သောသဘောရှိရကား ခဲဖျက်ဆောင်ကာ အခါခါဖျက်ကြရသော်လည်း ငယ်စရိုက်သဘာဝမို့ လွန်တယ်လို့တော့မဆိုချင်ပေ။ ထိုအချိန်အမှားမကင်းက မသိသေးသဖြင့် ဖြေသာသေးသည်။ ကြီးသောကာလ ကောင်းကျိုး ဆိုးပြစ် သင့်မသင့်ကို စိစစ်ဝေဖန် ပိုင်းခြားနိုင်သော အတွေ့အကြုံတို့ ကိုယ်စီကိုယ်စီ ရှိခဲ့ကြလေပြီ။ သို့သော် "တရားသိလျက်အကျင့်ခက်"ဟူသော စကားလည်းရှိသေးပေရာ လောကုတ္တရာနယ်ပယ်က သတ်မှတ်သောအမှားများကို မပြုပြင်မလိုက်နာနိုင်ကြသည့်တိုင် လောကီနယ်ပယ်က သတ်မှတ်ပညတ်သော သမုတိနယ်ပယ်မှ သူတစ်ပါးတို့ ကဲ့ရဲ့ဖွယ် အော့နှလုံးနာဖွယ်ဖြစ်သော မကြားဝံ့မနာသာ အမှားမျိုးများကို မမှားမိကြစေရန် သတိပြုဆင်ခြင်သင့်လှသည်။
လူတိုင်းအမှားမကင်းသည်ကား မှန်ပါသည်။ ထို့အတူ ခဲဖျက်ဟူသည်မှာလည်း စာရွက်ပေါ်မှ အမှားကိုသာ ဖျက်၍ရနိုင်သည်။ လူတို့ပြုသော ကံအမှားများကိုမူ ခဲဖျက်က မတတ်နိုင်သည်ကိုလည်း သတိပြုသင့်ပါကြောင်း.....။
ဇော်မျိုး (Kuantan Nicca Dana)
Subscribe to:
Post Comments (Atom)
No comments:
Post a Comment