လွန်ခဲ့သော ၆ ရက်ကျော်က ကွယ်လွန်အနိစ္စရောက်သွားသော ဦးသန်းအောင်အတွက် ရည်စူး၍ တစ်ဆိုင်တည်းအတူလုပ်ကိုင်သူမှ အလှူတော်ငွေ Rm100 ကို ကျွန်တော်များ နိစ္စဒါနပရဟိတအသင်း၏ ပရဟိတလုပ်ငန်းများဆောင်ရွက်ရာတွင် လိုအပ်သလို ပြန်လည်၍အသုံးပြုနိုင်စေရန်အတွက် လှူဒါန်းခဲ့ပါသည်။
သာဓု သာဓု သာဓု
ထို့ပြင် ကွယ်လွန်သူ ဦးသန်းအောင်သည် ယနေ့ ကျန်ရစ်သူ သူငယ်ချင်းတစ်စု၏ ပရဟိတအတွက် လှူဒါန်းရသော ကောင်းမှုကံစေတနာ..
(၇)ရက်မြောက်နေ့၌ နိစ္စဒါနဝိဟာရကျောင်း(ကွမ်တန်းမြို့)ရှိ သံဃာတော်အရှင်မြတ်တို့အား သင်္ကန်း၊ထီး၊ဖိနပ်၊ယပ် အစရှိသော ပရိက္ခရာစုံတို့ကို လှူဒါန်းရသော ကုသိုလ်ကံစေတနာ...
ဘုရားအမှူးရှိသော သံဃာတော်အရှင်မြတ်တို့အား ဆွမ်းဘောဇဉ် အဖြာဖြာတို့ဖြင့် ပြုစုလုပ်ကျွေး ဆက်ကပ်လှူဒါန်းခြင်းဟူသော ကုသိုလ်ကံစေတနာ..
ကျောင်းနေရာငှါးရမ်းခအတွက် လှူဒါန်းရသော ဝိဟာရဒါနကောင်းမှုကံစေတနာ... စသည်ဖြင့်..
အသိဉာဏ်ပညာရှိသော မိဘကောင်း ဆရာသမားကောင်းတို့၏ သား,တပည့်များ ဖြစ်ကြသည့်အားလျော်စွာ ဦးသန်းအောင် မသေဆုံးမီကာလ နာမကျန်းဖြစ်စဉ်ကလည်း ပြုသင့်ပြုအပ်သော အမှုတို့ကို မအားသည့်ကြားက စေတနာအပြည့် စိတ်ဓာတ်အပြည့်ဖြင့် ကိုယ်တိုင်ပါဝင်ဆောင်ရွက်ကြခြင်း ၊ သေပြီးကာလမှာလဲ ပြုသင့်ပြုအပ်သော ကုသိုလ်များကို ပြုလုပ်ကြ၍ အမျှအတန်း ပေးဝေကြခြင်း စသည်တို့သည် မိတ်ဆွေစစ် မိတ်ဆွေမှန်များ၏ အင်္ဂါရပ်များသည် ဖြစ်ပါသည်။ မိတ်ဆွေတု မိတ်ဆွေယောင်များကား ထိုသို့မဟုတ်ကြပါ။
ထို့ကြောင့် ယနေ့ မိတ်ဆွေစစ်များ၏ ပြုလုပ်အပ်သော ကောင်းမှုအစုစုတို့ကို ကွယ်လွန်သူ ဦးသန်းအောင်သည် ရောက်ရာ ကြားရာ ဘုံဌာနမှ ဝမ်းမြောက်စွာ သာဓုခေါ်ဆိုနိုင်ပါစေကြောင်းနှင့် ဦးသန်းအောင်တစ်ယောက် ကောင်းရာဘုံဘဝသို့ လားရောက်နိုင်ပါစေကြောင်း ဆုမွန်ကောင်း တောင်းအပ်ပါသည်။
နိစ္စဒါနပရဟိတအသင်း
No comments:
Post a Comment