ကျွန်တော်များ နိစ္စဒါနပရဟိတအသင်း(ကွမ်တန်း)သည် မလေးရှားရောက်မြန်မာနိုင်ငံသားများ၏ အကျိုးစီးပွားကို လိုလားသည့်အလျောက် မိမိတို့နိုင်ငံသားများ၏ ကျန်းမာရေး သာရေး နာရေး စသည့် အဖက်ဖက်မှ မိမိတို့စွမ်းနိုင်သလောက် ကူညီဆောင်ရွက်ပေးလျက် ရှိပါသည်။
ထို့အတူ ပရဟိတလုပ်ဆောင်နေကြသော အသင်းအဖွဲ့များတွင် မိမိတို့အနေဖြင့် လေးစားအားကျရသော အသင်းအဖွဲ့များလည်း ရှိပါ၏။ ဤတွင် မိမိတို့အသင်းတွင် ရန်ပုံငွေ မလုံလောက်သော်လည်း (လတ်တလောအခြေအနေအရ) သူတပါးထံ၌ ချေးငှါးအကြွေးတင်ခံ၍ မိမိတို့တာဝန်ယူ ကူညီဆောင်ရွက်ပေးရသော လူနာအဆင်ပြေစေရေး ၊ မြန်မာပြည်သို့လွယ်ကူစွာ ပြန်လည်ရောက်ရှိနိုင်ရေး စသည်အတွက် (စွမ်းနိုင်သည်ထက်ပို၍) စေတနာအပြည့်ဖြင့် ကူညီဆောင်ရွက်ပေးလျက်ရှိသော ဂျိုဟိုး ရတနာစက္ကနာကူအသင်း ၊ JBAO ၊ သာသနာ့ရောင်ခြည်အသင်း ၊ ထွန်းသစ်စပရဟိတအသင်း စသည် လူမှုကူညီရေးအသင်းအဖွဲ့များ၏ ပရဟိတစိတ်ဓာတ်များကား (ယူလိုသူများမဟုတ် ကူလိုသူများ ၊ နာမည်ရလိုသူများမဟုတ် ပေးဆပ်သူများသာဖြစ်၍)လေးစားအတုယူစရာပေ။
ဂျိုဟိုးမြို့သို့ ရောက်ခိုက်မှာ ၎င်းအဖွဲ့များ၏ဦးဆောင်သူများနှင့်အတူ ပရဟိတလုပ်ငန်းများတွင် လိုက်ပါအင်အားဖြည့်ခွင့်ရသဖြင့်လဲ အလွန်ကျေနပ်မိပါ၏။ အထူးသဖြင့် ရတနာစက္ကမှ ဦးအောင် ၊ ထွန်းသစ်စမှ ကိုထွန်းထွန်း ၊ မနက်ကစ မိုးချုပ်သည့်တိုင် တစ်နေ့လုံးပရဟိတအတွက် အချိန်ပေးကာ လိုက်ပါဆောင်ရွက်ပေးပါသော JBAO ကိုအောင်မျိုးဦး တို့သည်ကား လေးစားစရာပင်။
ထို့ကြောင့် မိမိတို့မစွမ်းသော်လည်း စွမ်းနိုင်သူများပြုကြသည့် ပရဟိတလုပ်ငန်းများတွင် မုဒိတာပွားသောအားဖြင့် ရတနာစက္ကနာရေးကူညီမှုအသင်းတွင် လိုအပ်သလိုအသုံးပြုနိုင်စေရန် RM300 ကို အသင်းကိုယ်စားလှူဒါန်းပေးခဲ့ပါသည်။
ရတနာစက္ကနာရေးကူညီမှုအသင်းကြီး ပရဟိတသစ္စာဖြင့် ယခုထက်ပို၍ မိမိတို့၏နိုင်ငံသားများ၏အကျိုးကို သယ်ပိုးထမ်းရွက်နိုင်ပါစေသော်..
မောင်ဇော်မျိုး(Admin)
နိစ္စဒါနပရဟိတအသင်း(ကွမ်တန်းမြို့)
No comments:
Post a Comment